Þær nýjungar verða í ár að kvöldskemmtun verður föstudags- og laugardagskvöldið og einnig verður boðið upp á skemmtidagskrá eftir hádegið á sunnudaginn en þá munum við fá hina landsþekktu Söngvaborg í heimsókn, ásamt þeim Siggu Beinteins, Maríu Björk og fylgdarliði.

Sjávarútvegs- og landbúnaðarráðherra Einar K. Guðfinnsson mun setja sýninguna kl 18  föstudaginn 15. ágúst og strax á eftir getur fólk farið að gæða sér á grillmat og fylgst með keppni í hver sé fjölhæfasti bóndi norðanlands en þar á eftir verður forkeppni í tölti í samstarfi við Hestamannafélagið Léttfeta á Sauðárkróki. Á laugardagskvöldinu verður svo úrslitin í tölti ásamt kappreiðum en bráðskemmtilegir skagfirskir skemmtikraftar stíga einnig á svið og skemmta gestum  milli atriða.

Annað sem verður um að vera:

Vaskir kappar frá Vinnuvélum Símonar munu sjá um að setja upp og stjórna þrautabraut fyrir gröfumenn, þar sem þeir keppa í óhefðbundnum þrautum um færni sína á gröfu.

Smalahundasýning - kálfasýning - hrútasýning - umhverfisverðlaun Skagafjarðar veitt - ásamt fjölmörgum fræðsluerindum um búfénað.

Þetta er aðeins lítið brot af því sem verður um að vera en dagskráin mun liggja fyrir núna allra næstu daga.