Bestu þakkir til allra sem heimsóttu okkur á Landbúnaðarsýninguna SveitaSælu á Sauðárkróki helgina 15.-17. ágúst. Einnig þökkum við öllum þeim fjölmörgu aðilum sem komu að undirbúningi og framkvæmd sýningarinnar. Sérstakar þakkir fá styrktaraðilar sýningarinnar. Sjáumst að ári liðnu. Stjórn SveitaSælu 2008

Komin er inn nákvæm dagskrá fyrir sýningardagana og þau atriði sem verða í gangi þessa dagana.

Á Sauðárkróki er staðið í stórframkvæmdum á félagssvæði Léttfeta. Þar er verið að bæta við einni glæsilegustu kappreiðabraut landsins og er áformað að hún verði vígð á Landbúnaðarsýningunni sem haldin verður í og við reiðhöllina Svaðastaði á Sauðárkróki daganna 15.-17. ágúst.

Landnámshænsnastofninn á Tjörn verður 30 ára gamall nú seinnipartinn í ágúst.

Nú hefur verið staðfest að Sjávarútvegs- og landbúnaðarráðherra Einar K. Guðfinnsson mun flytja opnunarávarp landbúnaðarsýningarinnar á Sauðárkróki í sumar. Opnunardagskrá sýningarinnar mun hefjast kl 18.00 föstudaginn 15. ágúst í reiðhöllinni Svaðastöðum á Sauðárkróki.

Nú er allt að smella saman fyrir Landbúnaðarsýninguna & bændahátíðina sem verður 15.-17. ágúst nk. í og við reiðhöllina Svaðastaði. Eitt er víst að nóg verður um að vera fyrir stóra sem smáa á sýningunni í ár og er mikið lagt upp úr því að gera sýninguna þannig úr garði gerða að öll fjölskyldan geti átt skemmtilega helgi saman.

Sýningarstjórar landbúnaðarsýningarinnar þau Eyþór Jónasson og Rósa María Vésteinsdóttir eru þessa dagana í viðræðum við sýnendur. Allir þeir sem áhuga hafa á að sýna vörur sínar eða selja á sveitamarkaðnum endilega farið inn á heimasíðuna og skoðið hvað við höfum upp á að bjóða. Allir eru hjartanlega velkomnir að vera með, þeir sem hafa áhuga á að sýna geta haft samband við okkur, netfangið er  landbunadarsyning@bondi.is eða hringt í okkur. Rósa María Vésteinsd. gsm 861 3460 og Eyþór Jónasson gsm 848 2725.

 

Landbúnaðarsýningin & Bændahátíðin SveitSæla verður haldin í Reiðhöllinni Svaðastöðum í fjórða sinn í sumar. Síðasta hátíð sló öll met þegar á fimmta þúsund gestir allsstaðar af á landinu sóttu sýninguna heim.

Nú eru komnar hér inn á síðu Landbúnaðarsýningarinnar upplýsingar um sigurvegara Umhverfisverðlauna Skagafjarðar 2007, en þau voru afhent á sýningunni laugardaginn 18. ágúst sl.

Nú eru komnar hér inn á síðuna upplýsingar um sigursælustu keppendur í kálfa- og hrútasýningum Landbúnaðarsýningar 2007. Þeir sem luma á myndum af keppendum með dýrin sín mega gjarna senda þær á landbunadarsyning@bondi.is